[imageeffect type=”frame” align=”alignleft” width=”240″ height=”154″ alt=”” url=”.http://youthfoundation.az/wp-content/uploads/2014/08/unnamed17.jpg ” ]
Son 4 il ərzində Azərbaycan hökumətinin xaricdə təhsil proqramı çərçivəsində və ya öz təşəbbüsləri ilə 200-dən çox azərbaycanlı həkimi Almaniyada çalışma imkanı əldə edib. Bu artıq azərbaycanlı gənclər arasında Almaniyada tibb təhsilə böyük maraq yaradıb. Bu gənclərin dəstəklənməsi üçün fərqli qeyri-formal tədris proqramlarına ehtiyac vardır. Belə proqramlardan biri hər il mütamadi keçiriləcək „Yay Tibb Akademiyası” ola bilər. Bu il ilk dəfə keçirilən „Yay Tibb Akademiyası” Azərbaycan Respublikasının Prezidenti yanında Gənclər Fondunun və Almaniya Akademik Mübadilə Xidməti (DAAD) dəstəyi ilə “Müasir Tibbi biliklər naminə“ layihəsi çərçivəsində Almaniyanın Mannheim şəhərində artıq öz işinə başlayıb. Yay Tibb Akademiyasının məqsədi öz təhsilini Almaniyada davam etdirmək istəyən gənc həkimlər və tibb tələbələrini Almaniya tibb təhsili sistemi ilə tanış etmək, onların tibbi alman dilini inkişaf etdirmək və Almaniyada tibbi ixitsaslaşma üçün vacib olan Aprobasiya imtahanı üçün vacib olan biliklərin verilməsidir. Tədbirin işçi dili Alman və Azərbaycan dilləridir. Yay Akademiyasının işində 19 azərbaycanlı gənc iştirak edir. Onlara müəllimlər tərəfindən hazırlanan və həyata keçirilən tədris proqramı təqdim edilib. Bu proqram həkimin gündəlik fəaliyyətində gərəkli olacaq əsas məqamlar (anamnezin toplanması, xəstələrin kliniki müayinəsi, instrumental müayinələr xəstələrin təqdim edilməsi, bazis anatomik biliklər, tibbi sənədlərin yazılması) nəzərə alaraq hazırlanıb. Digər tərəfdən Almaniyada çalışan azərbaycanlı həkimlər tərəfindən Aprobasiya imtahanına hazırlıq çərçivəsində mütəmadi interaktiv seminarlar aparılır. Yay Akademiyasının sonunda simulativ Aprobasiya imtahanları təşkil ediləcəkdir. Bu iştirakçı gənclərə öz çatışmamazlıqlarını müəyyən etməyə və gələcək də bunları ardan qaldırmaqda kömək edəcək.
[postgallery_grid content=”image” columns=”4″ lightbox=”yes” attached_id=”16952″ id=”16952″ imageeffect=”reflection” imgheight=”154″ imgwidth=”240″ width=”980″ /]
