[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2014/07/unnamed-5.jpg” ]
Azərbaycan Respublikasının Prezidenti Yanında Gənclər Fondunun maliyyə dəstəyi ilə həyata keçirilən “Region Gənclərinin İnkişafına Töhfə” İctimai Birliyinin “Tariximiz, soykökümüz, qüdrətli dövlətimiz” adlı layihəsi çərçivəsində 20-22 iyun 2014-cü il tarixlərində Lənkəran şəhərində gənclərin vətənpərvərlik düşərgəsi təşkil olunub. Düşərgənin əsas məqsədi gənclər arasında vətənpərvərliyin təbliğatı, onların asudə vaxtlarının səmərəli təşkil edilməsi və gənclərin ictimai fəallığının artırılması olmuşdur.
Azərbaycanın keçmiş və müasir tarixi barədə keçirilən təlimlərdən əlavə, gənclər arasında mövzuya uyğun çap olunmuş kitab və bukletlərin paylanılması təmin olunmuş və gənclər Lənkəran şəhərində yerləşən tarixi abidələrə, Böyük Vətən müharibəsində göstərdiyi şücaətlərinə görə iki dəfə Sovet İttifaqı Qəhrəmanı adına layiq görülmüş Həzi Aslanovun ev muzeyinə təşkil olunan ekskursiyalarda iştirak etmişlər. Bundan başqa, düşərgə iştirakçılarının asudə vaxtlarının səmərəli təşkili məqsədilə gənclər arasında müxtəlif idman yarışları keçirilmişdir.
Düşərgənin ikinci günü Azərbaycan Respublikası Milli Məclisinin deputatı, Milli Məclisin Sosial siyasət komitəsinin sədri Hadı Rəcəbli təlimin qonağı olmuş və natiq layihənin önəmindən və tarixi dəyərlərimizdən geniş söhbət açmışdır.
Layihə 17 iyul 2014-cü il tarixinə qədər davam edəcək.
[postgallery_grid content=”image” columns=”4″ lightbox=”yes” attached_id=”16154″ id=”16154″ imageeffect=”reflection” imgheight=”154″ imgwidth=”240″ width=”980″ /]
