[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2014/05/5601.jpg” ]
Azərbaycan Respublikasının Prezidenti yanında Gənclər Fondunun maliyyə, Zəka Gənclərin İntellektual İnkişaf və Yaradıcılıq Mərkəzinin təşkilati dəstəyi ilə dekorativ tətbiqi sənət ustası Sona Məhərrəmovanın Şifahi xalq ədəbiyyatının şahı olan Nağıl qəhrəmanlarının (“Göyçək Fatma”, “Tıq-Tıq xanım”, “Məlikməmməd”, “Şəngülüm, Şüngülüm və Məngülüm”, “Turp nağılı”, “Bremen musiqiçiləri”, “Qoğal” və s.) dekorativ tətbiqi sənət və bədii tikmə üslubunda hazırlanmış kuklalarından ibarət fərdi sərgisi keçiriləcəkdir.
Sərginin əsas məqsədi Milli xalq nağıllarımızın qəhrəmanlarının kuklalarını canlı şəkildə gənclərə təqdim etmək, şifahi xalq ədəbiyyatının şahı olan Nağılları bir daha gündəmə gətirməklə gənclərdə şifahi xalq ədəbiyyatına maraq oyatmaq və onları təsviri sənətin dekorativ tətbiqi sənət növü ilə yaxından tanış etməkdir.
Sərginin təntənəli açılışı 1 iyun 2014-cü il tarixində saat 15:00-da Şəmkir şəhərində Zəka Gənclər Mərkəzinin Müasir İncəsənət Qalereyasında baş tutacaq. Sərgi iyun ayının 10-a qədər davam edəcəkdir.
