[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2014/05/unnamed-412.jpg” ]
10 fevral 2014-cü il tarixindən etibarən fərdi şəxs qismində Babazadə Ağababa Samir oğlu Azərbaycan Respublikasının Prezidenti yanında Gənclər Fondunun maliyyə dəstəyi ilə IV qrant müsabiqəsi çərçivəsində “Gənc qızlar arasında voleybol yarışı”layihəsini icra edir.
Layihənin həyata keçirilməsində məqsəd gənc qızlar arasında voleybol idman növünə marağı artırmaq, voleybol idman növü ilə məşğul olan bacarıqlı gənclərin üzə çıxmasına kömək etmək və regionda bu tip tədbirlərin keçirilməsinin əsasını qoymaqdır.
Layihə çərçivəsində Lənkəran Dövlət Humanitar Kollecindən 2 komanda, Lənkəran 3 saylı məktəbdən 1 komanda, Lənkəran 4 saylı orta məktəbdən 1 komanda olmaqla 4 komanda müəyyən edilmişdir. Bu komandalar arasında təlim məşqləri keçirildikdən sonra 14, 15, 16 may 2014-cü il tarixlərində gənc qızlardan ibarət bu komandalar arasında Lənkəran şəhərində yerləşən Zirvə İdman Kompleksində yarış təşkil edilmişdir. Yarış zamanı iştirakçılara AzGF-nin maliyyə dəstəyi ilə hazırlanan eyni formalı köynəklər də paylanılmışdır. Yarışın keçirilməsinə Lənkəran şəhər Təhsil şöbəsi, Lənkəran Dövlət Humanitar Kolleci və Lənkəran şəhər Gənclər və İdman İdarəsi təşkilati dəstək vermişdir.
Yekunda yarışda iştirak edən gənclərə layihə direktoru və təşkilatçılar tərəfindən sertifikatlar təqdim edilmiş və Lənkəran Dövlət Humanitar Kollecini təmsil edən 1 komanda kubok ilə təltif olunmuşdur.
[divider_line opacity=”10″ /] [postgallery_grid content=”image” columns=”4″ lightbox=”yes” attached_id=”15650″ id=”15650″ imageeffect=”reflection” imgheight=”154″ imgwidth=”240″ width=”980″ /]
