[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2014/04/unnamed-1018.jpg” ]
19 aprel 2014-cü il tarixində Azərbaycan Respublikasının Prezidenti yanında Gənclər Fondunun maliyyə və Azərbaycan Könüllülər İctimai Birliyinin təşkilati dəstəyi ilə “Mobil Apps-Azerbaijan” layihəsinin təqdimat mərasimi keçirilib. Təqdimat mərasimində Azərbaycan Respublikasının Prezidenti yanında Gənclər Fondunun nümayəndəsi Sahil Balazadə, Azərbaycan Könüllülər İctimai Birliyinin sədri İmaməddin Quliyev, “Mobil Apps-Azerbaijan” layihəsinin rəhbəri Elçin Məmmədov və mobil proqramlar üzrə ekspert və developer İbrahim İbrahimov iştirak etmişlər.
İlk olaraq “Mobil Apps-Azerbaijan” layihəsinin rəhbəri layihənin əsas məqsədinin gənclərin İT biliklərinin inkişaf etdirilməsi, müasir texnoloji biliklərdən istifadə etməklə ölkəmizi təbliğ etmək və gənclər vasitəsilə Azərbaycanı müxtəlif istiqamətlərdə ən gözəl şəkildə təqdim etmək imkanı yaratmaqdan ibarət olduğunu bildirmişdir. Sonra iştirakçılara Android əməliyyat sistemində çalışan AZMAPPS adlı proqram təminatı təqdim olunub.
Android mobil cihazlarında istifadə olunacaq proqram YouTube kanalında PlayStore-a qoşularaq oradan məlumatları alacaqdır. Bu proqram təminatının üstünlüklərindən biri budur ki, hər hansı xarici vətəndaş bu proqramı istifadə etməklə Azərbaycan haqqında olan digər apps proqramlar, videolar və s. əsas məlumatları özündə birləşdirəcəkdir.
“Mobil Apps-Azerbaijan”layihəsinin təqdimat mərasimindən sonra 50 nəfərə yaxın gəncə “Mobil Application”lar mövzusunda maarifləndirici seminar təşkil olunub. Seminar ekspert və developer İbrahim İbrahimov tərəfindən aparılıb.
[divider_line opacity=”10″ /] [postgallery_grid content=”image” columns=”4″ lightbox=”yes” attached_id=”15029″ id=”15029″ imageeffect=”reflection” imgheight=”154″ imgwidth=”240″ width=”980″ /]
