[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2014/04/unnamed-1214.jpg” ]

5 aprel 2014-cü il tarixində Azərbaycan Gənclər Fondunun maliyyə dəstəyi ilə həyata keçirilən “Gənclərə sahibkarlıq təlimlərinin təşkili və keçirilməsi” layihəsi çərçivəsində Zaqatala şəhərində “Öz Biznesini Başla” təliminə start verilib. Layihənin rəhbəri Ülviyyə Ağayeva giriş sözü ilə çıxış edərək layihənin məqsədi və gözlənilən nəticələr haqqında məlumat verib.

Təlimin açılış mərasimində Zaqatala Rayon Gənclər və İdman İdarəsinin əməkdaşı Samir Rəhimli, Zaqatala Tədris Mərkəzinin rəhbəri Cavanşir Ağayev, seminarın təlimçisi Qorxmaz Əfəndiyev, Azərbaycan Müəllimlər İnstitutunun Zaqatala filialının müəllimi Bahar İsmayılova, Azərbaycan Universitetinin müəllimi Seymur Allahverdiyev ölkəmizdə kiçik və orta sahibkarlığın inkişafı, gənclərin fəallığının artırılması ilə əlaqədar görülən işlər, dövlət proqramları haqqında iştirakçılara ətraflı məlumat vermişlər. Eyni zamanda, maariflənmənin vacibliyi, bu işdə gənclərin iştirakının təqdirəlayiq olduğu, dövlətimizin bu istiqamətdə maarifləndirmə tədbirlərini dəstəklədiyi, təlim iştirakçılarının gənclərdən ibarət olmasının sevindirici hal olduğu bildirilmiş və onlara uğurlar arzulanmışdır.