[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2014/04/unnamed-249.jpg” ]

Fiziki şəxs Heydərov Heydər Məhəmməd oğlu Azərbaycan Respublikasının Prezidenti yanında Gənclər Fondunun maliyyə dəstəyi ilə “Region gənclərinin hərbi-vətənpərvərlik tərbiyəsinin artırılmasına dəstək” layihəsinin icrası çərçivəsində Yevlax şəhərində yeniyetmə və gənclərin sağlam həyat tərzinə alışdırılması, hərbi-vətənpərvərlik ruhunun artırılması və layiqli vətəndaş kimi yetişdirilməsinə ictimai dəstək olmaq məqsədilə təlimlər keçirilib.

Təlimlər zamanı gənclər xalqımızın milli-mənəvi dəyərləri, keçmiş hərbi-vətənpərvərlik ənənələri, xalqımızın hərb tarixi, torpaqlarımızın bütövlüyü uğrunda gedən tarixi döyüşlər, Milli Qəhrəmanlar və Şəhidlər haqqında biliklər əldə ediblər. Tədbir zamanı müxtəlif döyüşlər kiçik səhnəciklər vasitəsilə məktəblilər tərəfindən canlandırılıb.

Təlimin sonunda “Qarabağ uğrunda” devizi altında hərbi-idman oyunları təşkil olunub və məktəblilər Yevlax şəhərində yerləşən “Şəhidlər Xiyabanını” ziyarət ediblər.

Növbəti təlimlərin digər kənd məktəblərində həyata keçirilməsi nəzərdə tutulub.

[divider_line opacity=”10″ /] [postgallery_grid content=”image” columns=”4″ lightbox=”yes” attached_id=”14337″ id=”14337″ imageeffect=”reflection” imgheight=”154″ imgwidth=”240″ width=”980″ /]