[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2014/04/unnamed-151.jpg” ]
“Qəhrəmanlar ölmür!-yeniyetmə və gənclərin vətənpərvərlik tərbiyəsi” layihəsi məhz Azərbaycanın milli qəhrəmanlarının tanıdılması, onlar haqqında olan məlumatların ictimaiyyətə, eləcə də yeniyetmə gənclərə çatdırılması üçün Azərbaycan Respublikasının Prezidenti yanında Gənclər Fondunun maliyyə dəstəyi ilə reallaşdırılır. Layihə çərçivəsində Azərbaycanın Milli Qəhrəmanları haqqında məlumatlar əldə edilmiş, “Azərbaycanın Milli Qəhrəmanı” adının müəyyən olunması haqqında Azərbaycan Respublikasının Qanunu çap olunmuş, həmçinin slayd və təqvimlər hazırlanmışdır. Artıq layihədə nəzərdə tutulmuş təqvimlərin çapı yekunlaşmış, broşur və milli qəhrəmanlar haqqında kitabın nəşri işləri aparılmışdır. Layihənin iştirakçıları Bakı və Sumqayıt şəhərlərində yerləşən orta ümumtəhsil müəssisələrində və kolleclərdə təhsil alan gənclər və layihədə iştirak könüllülərdir. Bundan əlavə, layihənin yekunu olaraq layihə iştirakçıları ilə birlikdə Şəhidlər Xiyabanı ziyarət olunmuşdur.
Layihənin rəhbəri Aytac Əliyevadır.
