[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2014/04/unnamed-45.jpg” ]
Bərdədə istedadlı gənclərin yaradıcılıq festivalı keçirilib. Azərbaycan Respulikasının Prezidenti yanında Gənclər Fondunun fərdi qrant müsabiqəsi çərçivəsində keçirilən festivalda Bərdə şəhər musiqi və incəsənət məktəblərinin tələbələri iştirak ediblər.
“İstedadlı Gənclərin Yaradıcılıq Festivalının Təşkili” layihəsi çərçivəsində təşkil olunan festival 10-11 mart 2014-cü il tarixlərində Bərdə rayon L.Səfərov adına Mədəniyyət evində keçirilib. Festivalda Bərdə şəhər Bülbül adına 1 saylı uşaq incəsənət məktəbi, Bərdə şəhər 2 saylı musiqi məktəbi, Bərdə şəhər 3 saylı musiqi məktəbi, Bərdə şəhər 4 saylı uşaq incəsənət məktəbindən ümumilikdə 50 nəfər gənc iştirak edib. Onlarin ifasında tar, skripka, fortopiano, saz və digər çalğı alətlərində ifalar, həmçinin muğamın müxtəlif janrlarında bir-birindən gözəl musiqi nömrələri qonaqlara təqim olunub. Festivalda dörd yüzdən artıq tamaşaçı gözəl ifalardan zövq alıb.
Festivalda Bərdə rayon İcra kamiyyəti, Bərdə rayon Mədəniyyət və Turizm Şöbəsi, Bərdə rayon Gənclər və İdman İdarəsi və s. dövlət orqanlarının və rayonda fəaliyyət göstərən bir çox QHT-lərin nümayəndələri iştirak edib. Festivalın sonunda iştirakçılara diplom və hədiyyələr təqdim edilib. Layihə çərçivəsində festivalın video və foto çəkilişləri də iştirakçılara disklər şəklində təqdim olunub.
“İstedadlı Gənclərin Yaradıcılıq Festivalının Təşkili” layihəsi Bərdə rayon Qarayusifli kənd sakini Namaz Kərimov tərəfindən Azərbaycan Respulikasının Prezidenti yanında Gənclər Fondunun fərdi qrantı hesabına həyata keçirilib. Festivalda Bərdə rayon Gənclər və İdman İdarəsinin baş məsləhətçisi Aydın Qasımov çıxış edərək bu cür layihələrin gənclərin inkişafında önəmli olduğunu və davamlı olaraq keçirilməsinin vacibliyini vurğulayıb.
Layihə rəhbəri bildirib ki, layihənin əsas məqsədi Bərdə şəhər musiqi məktəblərində təhsil alan istedadlı gənclərin xüsusi bacarıqlarının inkişafı və səhnə mədəniyyətinin formalaşdırılması, həmçinin istedadlı gənclərin öz bacarıqlarının nümayiş etdirmələrinə şərait yaratmaqdır. Layihə rəhbəri onu da qeyd edib ki, festival uğurla baş tutub.
[divider_line opacity=”10″ /] [postgallery_grid content=”image” columns=”4″ lightbox=”yes” attached_id=”13611″ id=”13611″ imageeffect=”reflection” imgheight=”154″ imgwidth=”240″ width=”980″ /]
