[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2014/03/unnamed-68.jpg” ]
Azərbaycan Respublikasının Prezidenti yanında Gənclər Fondunun maliyyə dəstəyi ilə “Regionda intellektual hərəkatın təbliği” layihəsi çərçivəsində növbəti seçim turu Ağcabədi şəhərində baş tutmuşdur. Seçim turu Ağcabədi rayon İcra Hakimiyyəti, Gənclər və İdman İdarəsi, Təhsil Şöbəsi, Gənclər üçün Təhsil Mərkəzinin Qarabağ Regional filialı, “Beyləqan Gənclərinin Maarifləndirilməsi və Sosial İnkişafı” İctimai Birliyi, “MİL” İntellektual Klubunun birgə təşkilatçılığı ilə baş tutmuşdur.
Ağcabədi Qarabağ Muğam Mərkəzində keçirilən seçim turunda 13 komanda iştirak etmişdir. Yarış “Xəmsə” intellektual oyun növü üzrə keçirilmişdir .
Ən yüksək nəticə göstərmiş Ağcabədi Pedoqoji Kollecinin “Düşüncə” və Ağcabədi şəhər 4 saylı orta məktəbinin “Elit” komandaları layihənin sonunda keçiriləcək “Gənclik” kubokuna vəsiqə qazanmışlar.
Layihə Beyləqan ilə yanaşı, Ağcabədi, Xocavənd və Füzuli rayonlarını da əhatə edəcəkdir.
Layihə çərçivəsində hər rayonda “Nə? Harada? Nə vaxt?” və “Xəmsə” intellektual oyun növləri üzrə yarışlar keçiriləcəkdir. İlk iki yerin qalibi olmuş komandalar layihənin sonunda Beyləqanda təşkil ediləcək finalda-“Gənclik” kubokunda oynamaq şansı qazanacaqlar.
Həmçinin layihənin icra olunduğu rayonların hər birində yaradılmış intellektual klubların fəaliyyətinə də dəstək göstəriləcəkdir.
Layihənin əsas məqsədi region gəncləri arasında müxtəlif intellektual yarışlar təşkil etməklə onlarda cəld və düzgün qərar qəbuletmə keyfiyyətlərinin və intellektual səviyyənin qeyri-formal yolla inkişafına dəstək olmaq və intellektual şəbəkələşmə prosesinə təkan verməkdən ibarətdir.
[divider_line opacity=”10″ /] [postgallery_grid content=”image” columns=”4″ lightbox=”yes” attached_id=”13420″ id=”13420″ imageeffect=”reflection” imgheight=”154″ imgwidth=”240″ width=”980″ /]
