[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2014/03/z.jpg” ]
Azərbaycan Respublikasının Prezidenti yanında Gənclər Fondunun maliyyə, Azərbaycan Tələbə Gənclər Təşkilatları İttifaqı (ATGTİ) Tarix İşçi qrupunun təşkilati dəstəyi ilə gənclər arasında “Tarixin sədaları” adlı video-çarx müsabiqəsi keçirilir. “Tarixin sədaları” layihəsi kinomatoqrafiya sahəsində təhsil alan və ya bu sahəyə marağı olan gəncləri vətənimizin tarixini əks etdirən video-çarxlar hazırlamağa dəvət edir.
Layihənin həyata keçirilməsində məqsəd gənclər arasında tariximizə marağın artırılması, istedadlı gənclərin üzə çıxarılması, bu gəncləri yaradıcılıq qabiliyyətlərinə görə mükafatlandırmaqla onlar arasında sağlam rəqabətin formalaşmasına stimul yaratmaq, Azərbaycan tarixini geniş formada tanıtmaqdır.
Layihə müsabiqə şəklində keçiriləcək. Müsabiqəyə qatılmaq istəyən şəxslər müəyyən bir tarixi dövrü və ya tariximizin inkişaf dövrünü əks etdirən videoları təşkilat komitəsinə təqdim etməlidirlər. Təqdim olunan video çarxlara komissiya tərəfindən baxıldıqdan sonra ilk üç yerin sahibi müəyyən ediləcək və onlar layihənin sonunda S-3 mini telefon, pocket book və i-pod shuffle kimi hədiyyələr, qalib diplomları, digər iştirakçılar isə iştirakçı sertifikatları ilə mükafatlandırılacaqlar.
[divider_line opacity=”10″ /] [postgallery_grid content=”image” columns=”4″ lightbox=”yes” attached_id=”13355″ id=”13355″ imageeffect=”reflection” imgheight=”154″ imgwidth=”240″ width=”980″ /]
