[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2014/03/unnamed-310.jpg” ]
Azərbaycan Respublikasının Prezidenti yanında Gənclər Fondunun maliyyə dəstəyi ilə icra olunan “Mən fəxr edirəm ki, Azərbaycanlıyam” layihəsi çərçivəsində Suraxanı rayonu 79 saylı orta məktəbdə görüş keçirilib. Tədbir Xocalı soyqırımı zamanı həlak olanların xatirəsinin bir dəqiqəlik sükutla yad edilməsilə başlayıb. Tədbirdə Gənclər Fondunun fərdi qrant müsabiqəsində qalib olmuş layihənin koordinatoru Əzizov Tofiq, Suraxanı rayonu Gİİ-nin əməkdaşı Məmmədova Elnarə, “Mübariz Gənclər” İctimai Birliyinin sədri Bəhlul İsmayıl, “Hərbi And” qəzetinin əməkdaşı Əliyev Sahil, 79 saylı orta məktəbin müəllim və şagird kollektivi iştirak edib.
Tədbirdə çıxış edən Suraxanı rayon Gİİ-nin əməkdaşı Məmmədova Elnarə belə layihələrin gənclərin vətənpərvərlik ruhunda tərbiyəsinə müsbət təsir etdiyini bildirib. Layihənin rəhbəri Əzizov Tofiq layihə haqqında məlumat verərək bildirib ki, layihənin məqsədi gənclərin vətənpərvərlik ruhunda tərbiyəsinə töhfə vermək və Ümummilli Lider Heydər Əliyevin Azərbaycançılıq ideologiyasının yeni nəslə çatdırılmasına çalışmaqdır. O qeyd edib ki, layihə çərçivəsində “Mən Azərbaycanlıyam” adlı kitab nəşr olunub. Kitabda Azərbaycançılıq ideologiyasının yaranması, mahiyyəti, dövlət atributları haqqında, Azərbaycanın dövlətçilik ənənəsi və ölkəmizdə mövcud olmuş dövlətlər haqqında məlumatlar verilib. Bildirilib ki, kitab Gənclər Fondunun maliyyə dəstəyi ilə çap edilib və görüşlərin keçirildiyi məktəblərdə şagirdlərə paylanılır.
Tədbirdə çıxış edən gənc şair Bəhlul İsmayıl gənclərin vətənpərvər kimi yetişməsində Ulu Öndər Heydər Əliyevin Azərbaycançılıq ideologiyasının rolundan və Ümummilli liderin Azərbaycan qarşısında xidmətlərindən danışıb. Diskussiya formasında davam edən tədbir layihə çərçivəsində çap edilmiş “Mən Azərbaycanlıyam” kitabının şagirdlərə paylanılması ilə yekunlaşıb.
[postgallery_grid content=”image” columns=”4″ lightbox=”yes” attached_id=”13207″ id=”13207″ imageeffect=”reflection” imgheight=”154″ imgwidth=”240″ width=”980″ /]
