[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2014/03/konfr-2.jpg” ]
29 mart 2014-cu il tarixində saat 10:00 da “Maraqlar üçbucağında qalan bölgə-Azərbaycanın təhlükəsizliyi ” mövzusunda Tələbə Elmi Konfransı keçiriləcək.
Azərbaycan Respublikasının Prezidenti yanında Gənclər Fondunun maliyyə dəstəyi ilə keçiriləcək tədbirdə yeni dünya düzənində baş verən proseslər işığında geopolitik cəhətdən qaynar bölgələrdən olan Cənubi Qafqazda baş verən maraqlar toqquşması və bölgə dövləti olan Azərbaycanın dövlət təhlükəsizliyi (enerji, demoqrafik və milli təhlükəsizlik) məsələlərinin müzakirəsi və perspektivlərin müəyyənləşdirilməsi, konfransdan alınmış elmi nəticələrin ümumiləşdirilərək ictimaiyyətin diqqətinə təqdim edilməsi nəzərdə tutulur.
Konfrans aşağıdakı bölmələrdən ibarətdir:
1. Maraqlar anlayışı və milli təhlükəsizlik
2. Rusiya, Türkiyə və İranın xarici siyasətində Cənubi Qafqaz
3. Azərbaycan: Toqquşan maraqlar çərçivəsində balans siyasəti, enerji təhlükəsizliyi
4. Avroatlantik strukturlara inteqrasiya. Avropa Qonşuluq Siyasəti və Azərbaycan
Konfransda tələbə, magistrant, aspirant və gənc tədqiqatçılar iştirak edə bilərlər. İştirak etmək istəyənlər məruzələrinin mətnini 1-2 səhifəlik tezis şəklində və ya internet üzərindən elektron versiyasını (hər tərəfdən 2 sm, şrift-12, azərbaycan və ya ingilis dilində A4-Times New Roman) 18 mart 2014-cü il tarixindən gec olmayaraq Az.1007, Bakı şəhəri, M.Qaşqay küç. 26 ünvanına və ya [email protected] elektron ünvanına göndərə bilərlər.
Ünvan: Mirəli Qaşqay küç.26. (YAP Nəsimi rayon təşkilatının Qərargahı)
Telefonlar: (+994) 012 441 23 71, (+994) 055 227 31 47
Email: [email protected]
