[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2014/03/unnamed-121.jpg” ]
Azərbaycan Respublikasının Prezidenti yanında Gənclər Fondunun maliyyə dəstəyilə həyata keçirilmiş layihə çərçivəsində “Sumqayıt şəhərinin Prezident təqaüdçüləri (2001-2013-cü illər)” adlı kitab nəşr edilmişdir. Sumqayıt şəhərində yaradıcı və istedadlı gənclərin geniş ictimaiyyətə tanıdılması məqsədilə həyata keçirilən layihəyə Sumqayıt şəhər Gənclər və İdman Baş İdarəsi tərəfindən təşkilati dəstək verilmişdir.
Sumqayıt şəhərindən Azərbaycan Respublikası Prezidentinin təqaüdünə layiq görülmüş gənclər haqqında bu ilk nəşrin tərtibçisi və layihənin müəllifi Rüstəm Sadıqzadədir. İdeyanın və ön sözün müəllifi Sumqayıt şəhər Gənclər və İdman Baş İdarəsinin rəisi Musa Həsənov, redaktoru “168 saat” qəzetinin baş redaktoru Vüsal Məmmədovdur.
Kitabda əsasən 2001-2013-cü illərdə ali məktəblərə qəbul imtahanlarında, musiqi, ədəbiyyat və idman sahələrində nailiyyətlərinə görə Azərbaycan Respublikası Prezidentinin təqaüdünə layiq görülmüş 87 nəfər, həmçinin əlavə olaraq 2000-2001-ci illərdə ədəbiyyat sahəsi üzrə bu yüksək ada layiq görülmüş 2 nəfər, ümumiyyətlə, 89 nəfər Sumqayıtlı gənc barədə informasiya verilmişdir.
Bundan başqa, layihənin davamlılığını və bu qəbildən olan gənclər arasında ünsiyyətin qurulmasını təmin etmək məqsədilə Facebook sosial şəbəkəsində “Sumqayıt şəhərinin Prezident təqaüdçüləri” adlı qrup yaradılmışdır.
