[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2014/02/unnamed-1.jpg” ]
Gəncədə şəhər İcra Hakimiyyətinin dəstəyi, “Odlar Yurdu” Gənclər İctimai Birliyinin təşkilatçılığı ilə “Fəal Gənc-2014” mükafatlandırma mərasimi keçirilib. Mükafatlandırma mərasimində şəhər rəsmiləri, ali və orta ixtisas təhsil müəssisələrinin rəhbərləri, şəhər ziyalıları, idarə və təşkilatların nümayəndələri və 500 nəfərdən çox gənc iştirak edib.
Tədbirdə Gəncə şəhər İcra Hakimiyyətinin Başçısı Elmar Vəliyevin I müavini Mikayıl Zeynalov, YAP Gəncə şəhər Təşkilatının sədri Naqif Həmzəyev, Azərbaycan Respublikasının Prezidenti yanında Gənclər Fondunun Strateji Planlaşdırma və Beynəlxalq əlaqələr sektorunun əməkdaşı Ramin Cəfərov, Gəncə şəhər Gənclər və İdman Baş İdarəsinin rəisi Müşfiq Cəfərov iştirak ediblər.
Mükafatlandırma mərasimində son bir ildə Gəncə şəhərinin elm, təhsil, səhiyyə, mədəniyyət, incəsənət, idman, ictimai və siyasi sahələrində fəal olan 15 nəfər gənc “Fəal Gənc-2014” kuboku, Fəxri Fərman və qiymətli hədiyyələrlə təltif edilib.
Qeyd edək ki, “Fəal Gənc” Mükafatını əldə etmək üçün Gəncə şəhəri üzrə 162 nəfər gənc müraciət edib. Qalib gənclər elektron müraciət formasına əsasən münsiflər heyəti tərəfindən seçilib. Mükafat 9 yanvar 2014-cü il tarixində “Odlar Yurdu” Gənclər İctimai Birliyi tərəfindən təsis olunub və hər il gənclərə təqdim olunacaq.
[postgallery_grid content=”image” columns=”4″ lightbox=”yes” attached_id=”12743″ id=”12743″ imageeffect=”reflection” imgheight=”154″ imgwidth=”240″ width=”980″ /]
