[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2014/01/unnamed-318.jpg” ]
Azərbaycan Respublikasının Prezidenti yanında Gənclər Fondunun maliyyə dəstəyi ilə “Biz Azərbaycanlıyıq” gənclərin yaradıcılıq müsabiqəsi layihəsi keçirilib. Layihə müasir dünyamızda öz yeri və rolu olan Azərbaycanı hazırki zirvəyə ucaldan və Azərbaycan xalqının Ümumilli Lideri Heydər Əliyev tərəfindən yaradılan Azərbaycançılıq məfkurəsinin gənclər arasından təbliğinə xidmət edir.
Layihənin əsas ideyasını gənclərin milli vətənpərvərlik ruhunda tərbiyə olunmasına dəstək olmaq və bunun üçün “Azərbaycan gəncliyi 2011-2015-ci illərdə” Dövlət Proqramından irəli gələrək Ümumilli Lider Heydər Əliyevin Azərbaycançılıq Məfkurəsini gənclər arasında təbliğ etmək təşkil edir.
Layihənin əsas məqsədi də Ümumilli Lider Heydər Əliyevin Azərbaycançılıq Məfkurəsini gənclər arasında təbliğ etmək, bu məfkurəyə sadiq olan və onu dərindən dərk edən istedadlı gənclərin yaradıcılıq potensialını üzə çıxarmaqdan ibarətdir.
Layihənin rəhbəri Sərraf Hüseynov bildirmişdir ki, layihə çərçivəsində artıq bir neçə seminarlar və tədbirlər keçirilmişdir. Belə ki, layihə iştirakçısı olan gənclər Milli Azərbaycan Tarixi Muzeyini, Hacı Zeynalabdin Tağıyevin ev muzeyini ziyarət etmiş və seminarlara qatılmışlar.
Növbəti seminar zamanı gənclərə Azərbaycançılıq məfkurəsi haqqında geniş informasiya verilmiş, seminar iştirakçılarına Azərbaycanı təbliğ edən videorolik nümayiş etdirilmiş və Azərbaycançılıq ideologiyasının mahiyyətini özündə əks etdirək bukletlər paylanılmışdır.
[postgallery_grid content=”image” columns=”4″ lightbox=”yes” attached_id=”12296″ id=”12296″ imageeffect=”reflection” imgheight=”154″ imgwidth=”240″ width=”980″ /]
