[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2014/01/4.jpg” ]
1 dekabr 2013-cü il tarixində Kempinski Hotel Badamdarda gənclər arasında “Nə? Harada? Nə zaman?” oyunu üzrə VI Çağırış Kubokunun finalı baş tutub. “Nə? Harada? Nə zaman?” oyununun VI Çağırış Kuboku Azərbaycan Respublikasının Prezidenti yanında Gənclər Fondunun maliyyə dəstəyi, Azərbaycan İntellektual Oyunlar Federasiyasının təşkilati dəstəyi və “Nə? Harada? Nə zaman?” Klublarının Beynəlxalq Assosiasiyasının lisenziyası ilə Azərbaycan Müəllimlər İnstitutu, “İrəli” İctimai Birliyi, “Xəzər” İntellektual Gənclər Klubu və MFX Group-un birgə təşkilatçılığı keçirilib.
Yarışda Bakı, Şamaxı, Quba, Lənkəran, Naxçıvan, Salyan, Cəlilabad, Ağcabədi, Beyləqan, Lənkəran, Biləsuvar, Mingəçevir, Şəki, Zaqatala, Gəncə, Qazax və Sumqayıtda 16-27 noyabr 2013-cü il tarixində təşkil olunan seçim turları nəticəsində finala vəsiqə qazanan 71 komanda iştirak edib.
Hərəsində 15 sual olan 4 turdan sonra qaliblər müəyyən olunub. 60 sualdan 37 xalla Avalon komandası birinci yerə sahib olub. Diplomat komandası ikinci, BDU United komandası isə üçüncü yeri qazanıb.
Qalib komandanın üzvü MFX Group tərəfindən yaradılan imkan əsasında Yeni ili Sankt-Peterburq şəhərində qarşılamaq imkanı qazanıb. Qaliblər müxtəlif pul mükafatları, eləcə də kubok, medallar, diplomlar və Akademiya Kitab Mərkəzi tərəfindən təqdim olunan kitablarla mükafatlandırılıblar.
Sonda iştirakçılar, qaliblər və təşkilatçılar xatirə fotosu çəkdiriblər.
[postgallery_grid content=”image” columns=”4″ lightbox=”yes” attached_id=”11920″ id=”11920″ imageeffect=”reflection” imgheight=”154″ imgwidth=”240″ width=”980″ /]
