[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/12/unnamed-1.jpg” ]
2013-cü ilin ölkə Prezidenti tərəfindən İnformasiya-Kommunikasiya Texnologiyaları ili elan olunması bu sahənin inkişafına təkan verə biləcək layihələrin keçirilməsi üçün stimul rolunu oynayır.
Region gənclərinin İnformasiya Texnologiyaları sahəsində biliklərinin artırılması və regionlarda bu istiqamətdə maarifləndirici tədbirlərin təşkili aktual məsələlərdəndir.
Azərbaycan Respublikasının Prezidenti yanında Gənclər Fondunun maliyyə dəstəyi ilə həyata keçirilən “Regionlarda Məktəblərarası İT Yarışması” layihəsi 4 rayonda (Cəlilabad, Masallı, Lənkəran və Lerik) əvvəlcədən müəyyən olunmuş orta məktəbin tədris binasında keçirilib.
Yarışmada həmin rayon ərazisində yerləşən bütün təhsil müəssisələrinin komanda şəklində təmsil olunması üçün rayon təhsil şöbəsi vasitəsilə bütün məktəblərə məlumat verilmişdir.
Test şəklində tərtib olunmuş suallar moderator tərəfindən səsləndirilib. Cavablandırdığı düzgün suallara görə “ilk 10luq” sahibi olan komandalar elan olunub.
Təşkilat komitəsi tərəfindən nəticələr yoxlandığı vaxt ərzində İT ilə bağlı müzakirə paneli təşkil olunub.