[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/11/2013-11-18-1664.jpg” ]

Fərdi layihə rəhbəri Şirinova Rəna Azərbaycan Respublikasının Prezidenti yanında Gənclər Fondunun maliyyə dəstəyi ilə “Mədəni dəyərlərimizi tanıdaq və qoruyaq” layihəsinin icrasını başa çatdırmışdır. Layihə 16 sentaybr-16 noyabr 2013-cü il tarixlərində Xaçmaz şəhərində keçirilmişdir.

Layihənin əsas məqsədi regionda təhsil alan yeniyetmə və gənclər arasında işğala məruz qalmış tarixi torpaqlarımızın, dağıdılmış qalalarımızın, məscidlərimizin, qəbirstanlıqlarımızın, xalçalarımızın, bir sözlə milli-mədəni dəyərlərimizin təbliğatını aparmaqdan ibarət olmuşdur.

Rəna Şirinovanın verdiyi məlumata görə layihə çərçivəsində keçirilmiş təlimlərdən 90 nəfər 15-27 yaşlı yeniyetmə və gənc birbaşa faydalanmışdır. Ümumilikdə 6 təlim keçirilmişdir. Təbliğatın kütləvi hala çevrilməsi üçün internet saytlarının, kütləvi informasiya vasitələrinin imkanlarından maksimum istifadə olunmuşdur.

Layihə başa çatdıqdan sonra yaranmış könüllü qruplar arasında bu proses davam etdiriləcək və gələcəkdə bu cür tədbirlərin həyata keçirilməsi planlaşdırılır.

[divider_line opacity=”10″ /] [postgallery_grid content=”image” columns=”4″ lightbox=”yes” attached_id=”11305″ id=”11305″ imageeffect=”reflection” imgheight=”154″ imgwidth=”240″ width=”980″ /]