[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/11/1396034_182787108576893_2023802908_n.png” ]
9-10 noyabr 2013-cü il tarixlərində Şəki şəhərində Azərbaycan Respublikasının Prezidenti yanında Gənclər Fondunun maliyyə dəstəyi ilə “Gənc Novatorlar” gənclərin maarifləndirilməsi İctimai Birliyi tərəfindən “Gənclərin arxeoloji bilik və bacarıqlarının artırılması” adlı layihə davam etdirilir. Layihənin keçirilməsində əsas məqsəd gənclərin arxeoloji biliklərinin artırılması, regiondakı tarixi və arxeoloji yerlərlə daha yaxından tanış etməkdir. Layihədə Azərbaycanın müxtəlif bölgələrindən olan 35 nəfər gənc iştirak edib. Layihənin ilk günündə açılış mərasimi keçirilib. Tədbirdə Şəki şəhər Gənclər və İdman idarəsinin rəisi Vüqar İskəndərov, “Şəkinin Veb Ensiklopediyası” layihəsinin rəhbəri Aslan Əlişahoğlu və fəal gənclər iştirak ediblər. Tədbiri giriş sözü ilə layihə rəhbəri Pakizə İsrafiloava açaraq iştirakçıları salamlayıb, layihə haqqında məlumat verib. Daha sonra Şəki şəhər Gənclər və İdman İdarəsinin rəisi Vüqar İskəndərov, “Gənc Novatorlar” gənclərin maarifləndirilməsi İctimai Birliyini sədri Murad İsayev, “Şəkinin Veb Ensiklopediyası” layihəsinin rəhbəri Aslan Əlişahoğlu çıxış edərək iştirakçılara uğurlar arzulayılar. Tədbirdə Şəkinin tarixini, adət-ənənələrini, memarlıq abidələrini əks etdirən video çarx nümayiş olunub.
Layihənin 2-ci günündə gənclər Şəkinin arxeoloji və tarixi yerlərinə ekskursiya edərək buradakı arxeoloji tapıntılarla daha yaxından tanış olublar. Ekskursiya zamanı gənclər, həmçinin, Kiş-Alban məbədində, Şəki Xan Sarayında, Yuxarı Karvansarayda, Şəhidlər Xiyabanında da olmuşlar. Layihənin sonunda layihə iştirakçılarına layihədə iştiraklarına görə Sertifikatlar verilib.
