[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/11/IMG_0257.jpg” ]
Azərbaycan Gənclər Fondunun maliyyə dəstəyi ilə Sumqayıt Tələbələr İttifaqı “Region tələbələrinin karyera inkişafı” layihəsi çərçivəsində 2 noyabr 2013-cü il tarixində Sumqayıt şəhərində region gənclərinin karyera inkişafı ilə bağlı təlim keçirib. Təlim Sumqayıt şəhər musiqi kollecində baş tutub. Təlimdə ali və orta ixtisas müəssisələrinin tələbələri iştirak edib.
Təlim çərçivəsində gənclər iş axtarma strategiyasının qurulması, şəxsi peşəkarlığın və arzu olunan karyeranın inkişaf etdirilməsi üçün zəruri olan bacarıqların obyektiv dəyərləndirilməsi, CV və niyət məktubunun hazırlanması haqqında bilik və bacarıqlar barədə məlumat verilib. Eyni zamanda, təlim iştirakçılarına mövzu ilə bağlı müxtəlif elektron və çap materialları paylanılıb.
