[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/11/Image.jpg” ]
Azərbaycan Respublikasının Prezidenti yanında Gənclər Fondunun maliyyə dəstəyi ilə “Biz Azərbaycanlıyıq” gənclərin yaradıcılıq müsabiqəsi layihəsi həyata keçirilməyə başlamışdır. Layihənin əsas məqsədi də Ümumilli Lider Heydər Əliyevin Azərbaycan Məfkurəsini gənclər arasında təbliğ etmək, bu məfkurəyə sadiq olan və onu dərindən dərk edən istedadlı gənclərin yaradıcılıq potensialını üzə çıxarmaqdan ibarətdir.
Layihə çərçivəsində Azərbaycançılıq məfkurəsinin vacibliyini, onun müstəqil dövlətimizin inkişafında rolunu ifadə edəcək videorolik və bukletlər hazırlanacaqdır. Layihə əsasən orta məktəblərin yuxarı sinif şagirdlərini və ali, həmçinin orta ixtisas məktəblərinin tələbələrini əhatə edəcəkdir.
Gənclər arasında Azərbaycançılıq məfkurəsinin təbliği ilə bağlı auditoriyadan kənar seminarların, təbliğat görüşlərinin keçirilməsi, həmçinin istedadlı gənclərin Azərbaycançılıq məfkurəsi ilə bağlı yaratdıqları sənət nümunələrinin, yazdıqları şeir və esse müsabiqəsinin keçirilməsi, müsabiqəyə təqdim edilən yazı nümunələrinin çap edilməsi, tədbirlərdə və müsabiqədə xüsusi fərqlənən gənclərin mükafatlandırılması nəzərdə tutulmuşdur.
