[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/11/DSC_0084.jpg” ]

Azərbaycan Respublikasının Prezidenti yanında Gənclər Fondunun maliyyə dəstəyi ilə Ağcabədi sakini Radə Qafarovanın rəhbərlik etdiyi “İnklüziv Təhsil Sahəsində Maarifləndirmə İşinin Təşkili” adlı layihə davam edir. Layihə çərçivəsində 25 oktyabr 2013-cü il tarixində Ağcabədi şəhər 11 saylı tam orta məktəbdə Rayon İcra Hakimiyyəti və Rayon Təhsil Şöbəsinin təşkilati dəstəyilə İnklüziv Təhsil sahəsindəki nöqsanların araşdırılması və bu istiqamətdə dəstəyin göstərilməsi mövzusunda konfrans keçirilmişdir. Konfransda layihə rəhbəri Radə Qafarova, Rayon İcra Hakimiyyətinin İctimai-siyasi və humanitar şöbəsinin baş məsləhətçisi Fərid Rüstəmov, 11 saylı tam orta məktəbin direktoru Eynulla Hacıyev, Beyləqan rayon Günərzi Qayğı Mərkəzinin sosioloqu Asif Quliyev çıxışlarında bu sahədə mövcud oldu problemlərdən danışıblar.