[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/10/IMG_7151.jpg” ]
Azərbaycan Respublikasının Prezidenti yanında Gənclər Fondunun III Qrant layihəsi çərçivəsində maliyyələşdirilən “İsmayıllı gənclərinin sosial şəbəkələrdən səmərəli istifadəsinin təmin olunması” adlı layihənin “Dəyirmi Masa” tədbiri 12 oktyabr 2013-cü il tarixində saat 10:00-da İsmayıllı rayon Heydər Əliyev Mərkəzində keçirilib. Layihəyə 28 sentyabr 2013-cü il tarixində start verilib. Tədbirdə İsmayıllı Rayon İcra Hakimiyyəti başçısının müavinləri Rövşən Ağayev, Sevil Əhmədova, Gənclər və İdman idarəsinin rəisi Elçin Nəcəfli, 1 saylı tam orta məktəbin direktoru Şəfaqət Rasulov və rayon ictimaiyyətinin nümayəndələri iştirak ediblər. Layihə rəhbəri Pərvanə Piriyeva Azərbaycan Gənclər Fondu haqqında tədbir iştirakçılarına məlumat verib. Layihənin həyata keçirilməsində əsas məqsəd gənclərə liderlik, təşkilatçılıq, könüllülük vərdişlərinin aşılanması, sosial şəbəkələrdə internet-bloqların yaradılması və ictimaiyyətlə əlaqələr (PR) sahəsində bilik və bacarıqlarının artırılması, fərdi və mütəşəkkil aktivliyin artırılmasıdır.
Həyata keçiriləcək layihə çərçivəsində 3 orta ümumtəhsil məktəbi üzrə 5 qrup olmaqla, hər birində 40 nəfər iştirakçı təmsil olunacaq və hər qrup üzrə 1 təlim təşkil olunacaq ki, bununla da 200 nəfər gənc ictimai fəaliyyətdə aktivləşəcəklər. Təlimlər zamanı iştirakçılara maarifləndirici buklet və broşurların paylanması nəzərdə tutulmuşdur. Eyni zamanda hər təhsil müəssisəsində davamlı təlimlər keçirilməsi məqsədi ilə könüllü təlimçilər yetişdiriləcək və hər bir təhsil müəssisəsində “İnnovativ Gənclər ”mərkəzi yaradılacaq. Bu da gənclərin fəallığının daha da artırılmasını təmin edəcək.
Qonaqlar sosial şəbəkələrdən səmərəli istifadə olunmasının gənc nəslə aşılanmasının vacibliyini vurğulamış və layihəyə uğurlar arzulamışlar.
[divider_line opacity=”10″ /] [postgallery_grid content=”image” columns=”4″ lightbox=”yes” attached_id=”10222″ id=”10222″ imageeffect=”reflection” imgheight=”154″ imgwidth=”240″ width=”980″ /]
