[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/10/DSC_0037.jpg” ]
Azərbaycan Respublikasının Prezidenti yanında Gənclər Fondunun “C” kateqoriyası üzrə müsabiqənin qalibi, Şəki şəhər sakini Nağıyeva Aynur Fondun maliyyə dəstəyi ilə “Gənclər və kitab: Gənc kitabsevərlər klubunun təşkili” layihəsi çərçivəsində 18 oktyabr 2013-cü il tarixində Şəki şəhərində yerləşən “Nakam” adına Mərkəzi kitabxananın oxu zalında “Gənc kitabsevərlər klubu” üzvlərinin növbəti toplantısını keçirib.
Tədbiri layihənin moderatoru M.Nağıyev açaraq tədbir iştirakçılarını və tədbirə dəvət olunmuş ekspert və qonaqları Azərbaycan Respublikasının Müstəqilliyinin 22-ci il dönümü münasibətilə təbrik etmiş və klubun bu müddət ərzində gördüyü işlər və gələcək fəaliyyət planları haqqında geniş məlumat vermişdir. Daha sonra layihənin rəhbəri A.Nağıyeva çıxış etmişdir.
“Gənc kitabsevərlər klubu”-nun üzvlərindən Nazilə Rəşidova, Adilə Məmmədova, İlahə Salamova və başqaları son oxuduqları kitablar haqqında məlumat vermişlər. Sonra bu əsərlər tək-tək müzakirə olunub.
Sonda, yazıçı-ekspert Bahar Səmin özünün yeni yazdığı və təzəcə nəşr olunmuş kitabının təqdimat mərasimini də “Gənc kitabsevərlər klubu”-nda keçirməyi planlaşdırdığını qeyd edib. Tədbirin sonunda isə layihə rəhbəri tədbirin təşkilində əməyi keçən hər kəsə öz minnətdarlığını bildirib.
[divider_line opacity=”10″ /] [postgallery_grid content=”image” columns=”4″ lightbox=”yes” attached_id=”10171″ id=”10171″ imageeffect=”reflection” imgheight=”154″ imgwidth=”240″ width=”980″ /]
