[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/05/W1siZiIsIjEyMDYxOC8xMzY0ODkyMDU4QEFSIl0sWyJwIiwidGh1bWIiLCIzMjZ4MjEwIyJdXQ.png” ]

Azərbaycan Tələbələr Birliyi Azərbaycan Respublikasının Prezidenti yanında Gənclər Fondunun maliyyə dəstəyi ilə həyata keçirdiyi “Gənclərimiz yeni hədəflər izində” adlı layihəyə start verir. Layihənin əsas məqsədi Türkiyə təcrübəsindən istifadə etməklə Azərbaycan gənclər təşkilatlarında könüllülər və üzvlər üçün yeni strategiyaların yaradılmasına dəstək verməkdir. Belə ki, layihə çərçivəsində Türkiyənin ən böyük gənclər təşkilatı olan Toplum Gönüllüleri Vakfından (TOG) 2 nümayəndə ölkəmizə səfər edəcəkdir. 30 may-2 iyun 2013-cü il tarixlərində nəzərdə tutulan səfər çərçivəsində TOG nümayəndələri Azərbaycanlı tələbələr üçün müxtəlif mövzular istiqamətində təlimlər keçəcəklər.

TOG nümayəndələrinin keçdiyi hər bir təlim TOG-un Türkiyədə tətbiq etdiyi üzvlər sisteminin tərkib hissəsidir. Qeyd edilən sistemin öyrənilərək Azərbaycan gənclər təşkilatlarına tətbiq edilməsi, bununla da gənclər təşkilatlarına daha çox üzvlərin cəlbi, təşkilatların davamlılığı, yenilənməsi və kreativ ideyalarla çıxış etməsini təmin etmək əsas hədəflərdəndir.

“Gənclərimiz yeni hədəflər izində” layihəsinin mətbuat nümayəndələri üçün təqdimat mərasimi 31 may 2013-cü il tarixində, saat 10:30-da Beynəlxalq Mətbuat Mərkəzində keçiriləcəkdir.

Təqdimat mərasimində Azərbaycan Tələbələr Birliyinin sədri Elvin Aslanov, TOG təlimçiləri Murat Kuru, Muhammed Bahri Telli ve Azərbaycan Gənclər Fondunun nümayəndəsi iştirak edəcəkdir.