Azərbaycan Respublikasının Gənclər Fondunun dəstəyi və “Xəzər” İntellektual Gənclər Klubunun təşkilatçılığı ilə keçirilən “Nə? Harada? Nə zaman?” oyunu üzrə VI Ağıl Oyunları Festivalının  seçim turları yekunlaşmışdır. “Nə? Harada? Nə zaman?” oyunu üzrə VI Ağıl Oyunları Festivalının keçirilməsində məqsəd gənclərin asudə vaxtlarının səmərəli təşkili, onların intellektual inkişafının təmin olunması, eləcə də intellektual oyunlar hərəkatının bütün ölkəni əhatə etməsinin reallaşdırılmasıdır.
Seçim turları dekabr-fevral aylarında Bakı şəhərində keçirilmişdir. Seçim turlarında 300 nəfərə yaxın gənc təmsil olunmuş və 50 nəfər gəncdən ibarət komandalar iştirak etmişdir. Seçim turlarında ən yaxşı nəticə göstərən komandalar fevralın 23-də Bakıda keçiriləcək final oyununa vəsiqə qazanmışlar.
VI Ağıl Oyunları Festivalının finalında kubokun ənənəvi təsnifatı ilə yanaşı, regionlardan olan çox saylı komandalar üçün ayrıca təşkil olunacaq Regionlar Kuboku və “Xəmsə“ Milli intellektual Oyunu üzrə yarışlar da baş tutacaqdır.