[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/02/DSC00632.jpg” ]
Azərbaycan Gənclər Fondunun maliyyə dəstəyi ilə icra olunan “Yollarda təhlükəsizlik sahəsində gənclərin maariflənməsi” layihəsi çərçivəsində “Həyat” Beynəlxalq Humanitar Təşkilatının təşkilatçılığı ilə tədbir keçirilmişdir. Bakı şəhərində fəaliyyət göstərən orta təhsil müəssisələrinin, qeyri-hökumət təşkilatlarının və dövlət qurumlarının əməkdaşlarının, həmçinin ali təhsil müəssisələrinin tələbələrinin qatıldığı tədbirdə yol qaydaları və bu sahədə təhlükəsizlik məsələləri tədris olunmuşdur. Tədbiri giriş sözü ilə açan “Həyat” Beynəlxalq Humanitar Təşkilatının sədri A.Allahverənov təmsil etdiyi təşkilatın bu sahədə təcrübəsi, icra etdiyi hazırkı layihə barədə geniş məlumat verib. Layihə çərçivəsində tərtib olunmuş və çap edilmiş “Biz yol hərəkəti qaydalarını öyrənirik” adlı kitabçanın müəllifi F.Süleymanova yol nişanları qaydaları barədə ətraflı məlumat vermiş, praktiki misallar əsasında nişanların funksionallığı barədə danışmışdır. Digər məruzəçi, istefada olan polkovnik-leytenant T.Həsənov Bakı Şəhər Baş Polis İdarəsinin Dövlət Yol Polis İdarəsi tərəfindən hazırlanmış yol təhlükəsizliyi sahəsində animasiyalar və reklam çarxları, həmçinin “Həyat” təşkilatının xətti ilə çəkilmiş “Çıx get”, “Can’t let you go” video klipləri üzərində yol qaydalarına düzgün əməl olunması və bu sahədə yarana biləcək təhlükələrdən effektiv qorunmanın yolları barədə geniş izahat verib. Tədbirdə Uşaq Fondunun nümayəndəsi cənab Xalid Musayev yol təhlükəsizliyi sahəsində həyata keçirdiyi fəaliyyətlər barədə danışıb və bu fəaliyyəti əks etdirən video-çəkilişlərin təqdimatını keçirib.
Tədbirin sonunda məruzəçilər iştirakçıların yol təhlükəsizliyi ilə əlaqədar verdikləri sualları cavablandırmışlar. Tədbir zamanı aparılmış qiymətləndirmə iştirakçıların yol təhlükəsizliyi sahəsində bilik əmsalının 22% artdığını göstərib.
[divider_line opacity=”10″ /] [postgallery_grid content=”image” columns=”4″ lightbox=”yes” attached_id=”6111″ id=”6111″ imageeffect=”reflection” imgheight=”154″ imgwidth=”240″ width=”980″ /]
