[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/04/Ateshgah.jpg” ]
“Atəşgah” İntellektual Oyunlar Klubu Azərbaycan Respublikasının Prezidenti yanında Gənclər Fondunun maliyyə dəstəyi ilə “Nə? Harada? Nə zaman?” Virtual Klubu yaradacaq. “Nə? Harada? Nə zaman?” Virtual Klubu intellektual oyunlarla maraqlanan gəncləri internetdə birləşdirən və intellektual oyunlarla bağlı müxtəlif məlumatların toplandığı portal olacaqdır. Portalın yaradılması üçün əsas ölkə Prezidenti cənab İlham Əliyevin 2013-cü ili İKT ili elan etməsi, yeni media vasitələrilə gənclərin sosial ideya təşəbbüslərinə yardım edəcək mühitin yaradılması, intellektual gənclərin oyunlarla bağlı vahid veb resursunun olmamasıdır. Layihə informasiya cəmiyyətinin formalaşdırılmasına, internetə daha sürətli inteqrasiyasına yardımçı olacaqdır.
Layihənin məqsədi intellektual oyunlarla maraqlanan minlərlə gəncin faydalanacağı veb resursun yaradılması, oyunlarla bağlı bütün məlumatların və metodik vəsaitlərin yerləşdirilməsi, komandalarının nəticələrinin ümumiləşdirilərək statistikasının aparılması və oyunlarda səslənən sualların bazasının yaradılması üçün proqram təminatının yaradılaraq portalda yerləşdirilməsi, gələcəkdə onlayn intellektual oyunun təşkili, müasir texnologiyaların yeniliklərindən istifadə edərək oyunların təşkili və populyarlaşdırılmasıdır.
“Atəşgah” İntellektual Oyunlar Klubundan verilən məlumata görə, “Nə? Harada? Nə zaman?” Virtual Klubu ölkədə fəaliyyət göstərən intellektual oyunlar üzrə klubların vahid veb-məkanına çevrilməklə intellektual oyunlar hərəkatının koordinasiyasında önəmli rol oynayacaq. “Nə? Harada? Nə zaman?” Virtual Klubu portalının təqdimetmə mərasiminin mayın sonunda keçirilməsi nəzərdə tutulur.
