Bakı Konqres Mərkəzində Azərbaycan Respublikasının Gənclər Fondunun maliyyə dəstəyi ilə keçirilən “Cümhuriyyət dövrünün gənc diplomatları” adlı maarifləndirci layihənin bağlanış konfransı keçirilmişdir.
Konfransın mahiyyəti gənclər arasında maarifləndirmə işinin aparılması, gənclərin diplomatiyaya və tariximizə olan marağının daha da artırılması olmuşdur. Konfransda tanınmış ziyalı, Bakı Dövlət Universitetinin professoru Nəsiman Yaqublu iştirak etmişdir.
Tədbirdə çıxış edən layihə rəhbəri Azad Abıyev bildirmişdir ki, “Cümhuriyyət dövrünün gənc diplomatları” adlı layihə gənclər tərəfindən olduqca maraqla qarşılanmışdır. Konfransda gənclərin mövzu üzrə ünvanladıqları suallar cavablandırılmış və irəli sürdükləri təkliflər dinlənilmişdir. Azad Abıyev qeyd etmişdir ki, ümumilikdə layihə ilə bağlı qarşıya qoyulmuş hədəflərə nail olunmuşdur.