26-27 yanvar 2019-cu il tarixlərində Azərbaycan Respublikasının Gənclər Fondunun elan etdiyi XI qrant müsabiqəsi çərçivəsində C kateqoriyası üzrə qalib olan “NatiqSən”  layihəsinin açılış mərasimi və təlimlərin 1-ci mərhələsi keçirilmişdir.
Layihə rəhbəri Azərbaycan Respublikası Prezidenti yanında Dövlət İdarəçilik Akademiyasının III kurs tələbəsi Güntəkin Mehnətli çıxış edərək iştirakçıları salamlamışdır. Layihənin məqsədi Neftçala şəhərində yaşayan 11-ci sinif şagirdlərinin natiqlik qabiliyyətinin inkişaf etdirilməsi və onlarda sosial problemlərə qarşı diqqətin artırılmasıdır.
Layihə 5 mərhələdən ibarət olmaqla açılış mərasimi,  2 günlük təlimlər,  qiymətləndirmə və bağlanış mərasimindən ibarətdir.
Bağlanış mərasimində qiymətləndirmədən asılı olaraq məktəblilərə sertifikat, diplom və hədiyyələr təqdim olunacaqdır.