Bakıda “Gənc Əlillərin Mədəni İrsimizlə Tanışlığı ”  adlı layihənin təqdimatı baş tutub. Layihə Azərbaycan Respublikasının Prezidenti yanında Gənclər Fondunun maliyyə dəstəyi ilə həyata keçirilib. Layihə rəhbəri Şamil Beydullayev bildirib ki, layihənin əsas məqsədi fiziki məhdudiyyətli dostlarımız ilə birgə tariximizə ekskursiya etmək və evə qapanmış digər fiziki məhdudiyyəti dostlarımızın cəmiyyətə inteqrasiyasına təşkil edilməsi yönümdə addımlar atmaqdır.
Layihə çərçivəsində, ilk olaraq, İçərişəhər və Atəşgah məbədində gəzinti baş tutub.  Ş.Beydullayev qeyd edib ki, yaxın günlərdə növbəti tarixi abidələrdə görüşlər keçiriləcək: “Layihədə iştirak edən ekspertlər vasitəsilə tarixi bilgiləri dahada möhkəmləndirəcəyimizə inanıram. Bizə bu şəraiti yaratdığı üçün Gənclər Fonduna xüsusi təşəkkür edirəm”.