Azərbaycan Respublikasının Prezidenti yanında Gənclər Fondunun maliyyə dəstəyi ilə Biləsuvar rayonunda Əlixanlı Xoşbəxt Valeh qızının  “Biləsuvar şəhidlərinin igidlik dastanı”  layihəsi çərçivəsində çap olunan “Biləsuvarın Qəhrəman İgidləri” adlı kitabın təqdimatları uğurla həyata keçirilib.
Kitabda Qarabağ müharibəsində, “Aprel döyüşləri”ndə və 20 Yanvar hadisələrində şəhid olmuş qəhrəman oğullarımız haqqında məlumatlar öz əksini tapmışdır.
Vətən torpaqları uğrunda şəhid olmuş əsgərlərimizin xatirəsi yad olunduqdan sonra çıxış edən tədbir iştirakçıları bildirib ki, şəhidlərimiz haqqında rayonumuzdakı məktəblilər arasında daha sistemli şəkildə təbliğatın aparılmasına, onların daha yaxından tanıtdırılmasına, bununla da yeniyetmə və gənclərimizin  vətənpərvər ruhda tərbiyə olunmasına böyük ehtiyac vardır. Ölkəmizin ərazi bütövlüyü uğrunda gedən döyüşlərdə qəhrəmancasına şəhid olmuş Biləsuvar rayonundan olan şəhidlərin qısa həyat və cəsarətli döyüş yolunu öyrənmək və onları cəmiyyətimizə, gənc nəslə daha da yaxından tanıtmaq üçün kitabın əvəssiz rolu olacaqdır.