[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2012/11/21750_495592700481467_1944495175_n.jpg” ]
Azərbaycan Gənclər Fondunun maliyyə dəstəyi ilə keçirilən “Nə? Harada? Nə zaman?” oyunu üzrə Tələbələrarası Azərbaycan Çempionatı noyabrın 25-də “Kempinski Hotel Badamdar”da keçirilib. Çempionatda ölkənin 13 şəhərini təmsil edən ali təhsil müəssisələrinin 55 komandası iştirak edirdi.
Azərbaycan İntellektual Oyunlar Federasiyası, “Atəşgah” İntellektual Oyunlar Klubu, “Turan” İntellektual Oyunlar Klubu, “Xəzər” İntellektual Gənclər Klubu və “İrəli” İctimai Birliyinin təşkilatçılığı keçirilən Azərbaycan Çempionatı ölkənin intellektual oyunlar tarixində ən böyük yarış kimi yadda qalıb. Azərbaycan Çempionatının finalına vəsiqə qazanmaq üçün Bakı, Sumqayıt, Gəncə, Şəki, Naxçıvan, Abşeron, Şamaxı, Quba, Salyan, Lənkəran, Ağcabədi, Zaqatala və Mingəçevirdə seçim turları keçirilmişdir. Seçim turlarına 370-dən çox komanda və 2800 nəfərdən çox iştirakçı qatılmışdır. Bu komandalar arasında ən yaxşı nəticə göstərən 55 komanda finala vəsiqə qazanmışdı.
Çempionat ilk dəfə idi ki, tələbələr arasında və Azərbaycan dilində təşkil olunurdu. “Nə? Harada? Nə zaman?” oyunu üzrə Tələbələrarası Azərbaycan Çempionatının finalında hər turda 15 sual olmaqla 4 tur keçirilib. Turnirin suallar paketini BKA-nın sertifikatlı redaktoru Dmitriy Başuk və yerli redaktor Oktay Məhərrəmov hazırlamışdılar. Turnir maraqlı suallar, gərgin idman mübarizəsi, qalib və məğlubların emosiyaları ilə yadda qalıb.
Nəticədə, Azərbaycan Dövlət Neft Akademiyasının “ASOA” komandası Azərbaycan çempionatının qalibi olub. İkinci yeri Dövlət İqtisad Unviersitetinin “G6” komandası, üçünci yeri isə Moskva Dövlət Universitetinin Bakı filialının “Hello world!” komandası tutub. Qaliblər diplomlar, medallar, Akademiya Kitab Mərkəzindən hədiyyə kuponları və kubokla mükafatlandırılıblar.
[divider_line opacity=”10″ /] [postgallery_grid content=”image” columns=”4″ lightbox=”yes” attached_id=”4685″ id=”4685″ imageeffect=”reflection” imgheight=”154″ imgwidth=”240″ width=”980″ /]
