[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2012/12/21.jpg” ]

4 dekabr 2012-ci il tarixində, saat 11:30-da “Göyçay İnkişaf Mərkəzi” İctimai Birliyi Gənclər Fondu və Baku Languages and Business School-un dəstəyi ilə “Gəncliyi gələcəyimiz üçün quraq!” layihəsi çərçivəsində ilk dəfə olaraq Göyçay rayonu 3 №-li məktəbdə “Kitab müzakirə klubu” vasitəsilə “Kitab oxuyaq, gələcəyimizi quraq!” adı altında kitab oxumaq və pulsuz kitab paylamaq aksiyası təşkil edib. Aksiyaya rayonda olan məktəb və kolleclərin şagirdləri və kitaba ehtiyacı olan gənclər əvvəlcədən dəvət olunmuşlar.

İlk öncə “Göyçay İnkişaf Mərkəzi” İctimai Birliyinin sədri Əzizağa Atakişiyev aksiya iştirakçılarına “Gəncliyi gələcəyimiz üçün quraq!” layihəsi haqqında ətraflı məlumat vermiş və təşkil edilən aksiyadan söz açmış, bu cür aksiyaların gələcəkdə də davam etdiriləcəyini iştirakıların nəzərinə çatdırmışdır.

Sonra bu layihə çərçivəsində nəzərdə tutulan fəaliyyətlərdə fəal iştirak edən gənclərə hədiyyələr təqdim edilib. Aksiya açıq elan edildikdən sonra gənclər maraqlandıqları və ehtiyacı olan kitabları əldə ediblər. Sonda aksiyada iştirak edən, kitab əldə etmiş hər bir gənc aksiyanın qaydalarına uyğun olaraq kitab oxuyub.

Qeyd etmək istərdik ki, layihənin əsas məqsədi Göyçay rayonunda yaşayan seçilmiş gənclərin həyat bacarıqlarını inkişaf etdirmək, müxtəlif təsiretmə vasitələri ilə təhsilə və elmə maraqlarını artırmaq, onları ictimai həyatda fəal iştiraka cəlb etmək, liderlik, azad fikir-yürütmə bacarıqlarını inkişaf etdirərək rayonda gənclərin sosial həyata aktiv inteqrasiya edilməsinə nail olmaqdır.

[divider_line opacity=”10″ /] [postgallery_grid content=”image” columns=”4″ lightbox=”yes” attached_id=”4951″ id=”4951″ imageeffect=”reflection” imgheight=”154″ imgwidth=”240″ width=”980″ /]