[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/04/xc1.jpg” ]

Azərbaycan Gənclər Fondu tərəfindən dəstəklənən “Ədəbiyyat Şəbəkəsi” layihəsi Xaçmazda uğurla davam edir. Aprelin 7-də layihə çərçivəsində Xaçmazda növbəti kitab müzakirəsi keçirilib. Bu dəfə iştirakçılar məşhur Rus yazıçısı Andrey Platonovun “Can” povestini müzakirə etmişlər.

Müzakirə RTV-nin “Yeni səhifə” ədəbi verilişinin “Kitab klubu” rubrikasında efirə gedəcək.

“Ədəbiyyat Şəbəkəsi” layihəsi Azərbaycan Gənclər Fondu tərəfindən dəstəklənən layihədir. Layihənin əsas məqsədləri bölgələrdə yaşayan gənclərin kitaba həvəsini artırmaq, kitabı, ədəbiyyatı ictimailəşdirmək və aktuallaşdırmaq, bölgələrdə yaşayan gənc kitabsevərlər arasında şəbəkələşmə yaratmaqdır.

Bunun üçün layihə çərçivəsində 6 ay ərzində Azərbaycanın 11 bölgəsində kitab müzakirələri təşkil olunacaq, kitabsevərlərə pulsuz kitablar paylanacaq, yazıçıların imza günləri təşkil olunacaq, flashmoblar keçiriləcək.