[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/04/IMG_0524.jpg” ]
Gənc Vətənpərvərlər Birliyi (GVB) Azərbaycan Respublikasının Prezidenti yanında Gənclər Fondunun maliyyə dəstəyi ilə “Gənclər sağlam həyat tərzi seçir” “Narkotikə yox” devizi altında gənclərin iştirakı ilə kompleks tədbirlər və idman yarışları keçirir. Layihə çərçivəsində Azərbaycan xalqının Ümummilli Lideri Heydər Əliyevin 90 illik yubileyinə həsr olunmuş “Gənclər arasında narkomaniyanın qarşısının alınmasında gənclərin rolu” mövzusunda Azərbaycan Dövlət Bədən Tərbiyəsi və İdman Akademiyasında elmi-nəzəri praktik konfrans keçirilib.
Tədbiri giriş sözü ilə Azərbaycan Dövlət Bədən Tərbiyəsi və İdman Akademiyasının prorektoru Yusif Babanlı açmışdır. Y. Babanlı Gənclər Fonduna və bu layihəni həyata keçirən Gənc Vətənpərvərlər Birliyinə institutun pedoqoji kollektivi adından öz təşəkkürünü bildirib.
Layihə rəhbəri M.Əliyev Ulu Öndər Heydər Əliyevin həyat və yaradıcılığından, təşkilatçılığından və idman siyasətində apardığı uğurlu işlərdən və bu uğurlu siyasəti layiqincə yerinə yetirən Cənab Prezident İlham Əliyevin apardığı Dövlət Gənclər və İdman Siyasətində olan müvəffəqiyyətlərindən danışıb.
Tədbirin sonunda Azərbaycan Gənclər Fondunun İcraçı direktoru Fərhad Hacıyev, Aparat rəhbəri Faiq Qürbətov, Baş mühasib Elmar Talıblı və Mətbuat katibi Aynur Həsənzadə gənclərin hərbi vətənpərvərlik hisslərinin gücləndirilməsində, mədəni irsimizin təbliğində, idman siyasətində fəal təşkilatçılıqlarına görə GVB tərəfindən fəxri fərmanlarla təltif olunmuşlar. Sonda Heydər Əliyevin rəsmi əks olunmuş döş nişanı və təsvirli köynəklər, rəngli bukletlər tədbir iştirakçılarına paylanıb.
Tədbir Akademiyanın auditoriyalarında diskussiya şəraitində davam etdirilib və gəncləri maraqlandıran suallar cavablandırılıb.
[divider_line opacity=”10″ /] [postgallery_grid content=”image” columns=”4″ lightbox=”yes” attached_id=”6490″ id=”6490″ imageeffect=”reflection” imgheight=”154″ imgwidth=”240″ width=”980″ /]
