[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/05/logo-fond-gk.jpg” ]
“Azərbaycan gəncliyi 2011-2015 ci illərdə” dövlət proqramına dəstək olaraq gənclərin fəallığını və məşğullunu qərb bölgəsində artırmaq məqsədi ilə Gəncə şəhərində yerləşən uşaq evləri və internat məktəblərindən seçilmiş gənc yeniyetmələr üçün “Gələcəyə Körpü” Gənclər İctimai Birliyinin nəzdində fəaliyyət göstərən “Gənclərin Məşğulluq və Resurs Mərkəzi”-ndə kompüter təmiri və kosmetologiya kursları təşkil olunacaq.
Hədəf qrupları ilə həmin məktəblərdə görüşlər keçiriləcək, Birliyin ofisində konfrans təşkil olunacaq və konfransa bir çox rəsmi dövlət nümayəndələri, həmçinin yeniyetmələr dəvət ediləcəkdir. Konfransda layihənin məqsədi açıqlanacaq, hər bir gəncin istəyi və həvəsi nəzərə alınaraq adları çəkilən peşə inkişafı yönümündə qruplarda onlar yer ala biləcəklər.
Yaradılan qruplara cəlb olunan gənclərə əvvəl “Usta yanında şagird” kursunun məqsədini açıqlayan məlumat vərəqələri paylanılacaq, daha sonra onların qrup ustaları ilə görüşləri təşkil olunacaq. Bu görüşlərdə yeniyetmələr müvafiq qruplara uyğun olaraq tapşırıqlarla tanış olacaq, onlara görəcəkləri işlər haqqında məlumatlar veriləcəkdir.
Əvvəlcədən təyin olunmuş dərs cədvəlinə uyğun olaraq gənc yeniyetmələr həftə ərzində təşkil olunan 3 günlük (hər biri 2 saat olmaqla) dərslərə cəlb olunacaqlar. Hər ayın sonunda həmin şagirdlər imtahanlara cəlb olunacaq. Kursların yekununda sertifikat alan şagirdlər Gəncə şəhərində fəaliyyət göstərən “gözəllik salonu”, “kompüter satışı/təmiri mərkəzləri”-ndə işə cəlb olunacaqlar.
