[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/05/NDA_3499.jpg” ]

Azərbaycan Respublikasının Gənclər və İdman Nazirliyinin dəvəti ilə Bakıda səfərdə olan Səudiyyə Ərəbistanı gənclərindən ibarət nümayəndə heyəti 15 may 2013-cü il tarixində Azərbaycan Gənclər Fondunun nümayəndələri ilə görüş keçirmişlər. Görüş Fondun ofisində Aparat rəhbəri Faiq Qürbətov və Strateji planlaşdırma və beynəlxalq əlaqələr sektorunun müdiri Orxan Ərəbovun iştirakı ilə keçirilmişdir.

Görüşdə Dağlıq Qarabağ problemi və problemin həlli yolunda Azərbaycan gənclərinin yerli və beynəlxalq sferada gördüyü işlər barəsində ətraflı məlumat verilmiş, qonaqların münaqişə ilə bağlı sualları cavablandırılmışdır. Daha sonra Səudiyyə Ərəbistanı nümayəndə heyəti ölkələrinin gəncləri və gənclər təşkilatları ilə bağlı həyata keçirilən fəaliyyətlər haqqında danışmışlar. Gənclər Fondunun xarici gənclərə yaratdığı imkanlar barədə qonaqlara məlumat verilmiş, gələcəkdə Azərbaycanın tarixi, mədəniyyəti, Azərbaycan həqiqətləri ilə bağlı həyata keçirmək istədikləri layihələrə Fond tərəfindən dəstək göstəriləcəyi vurğulanmışdır.

[divider_line opacity=”10″ /] [postgallery_grid content=”image” columns=”4″ lightbox=”yes” attached_id=”6751″ id=”6751″ imageeffect=”reflection” imgheight=”154″ imgwidth=”240″ width=”980″ /]