Bakı Dövlət Universitetində Azərbaycan Respublikasının Prezidenti yanında Gənclər Fondunun maliyyə dəstəyi ilə reallaşdırılan “İslam həmrəyliyinin təbliğ olunması” adlı layihənin bağlanış mərasimi keçirilib. Azərbaycan Respublikasının Prezidenti yanında Gənclər Fondunun 10-cu qrant müsabiqəsinin qalibi olan sözügedən layihənin gedişatında əsas məqsəd gənclərin multikultural, islam dəyərlərinin  marifləndirilməsi yönündə həyata keçirilən dövlət siyasətinə gənclər olaraq dəstək vermək, bu istiqamətdə səmərəli fəaliyyətin təşkilində stimullaşdırıcı funksiya icra etmək və gənclərin mövcud problemlərə daha yaxından bələd olub bu istiqamətlərdə müstəqil tədqiqatların aparılmasına yardımçı olmaqdır.
Bağlanış mərasimində çıxış edən Layihə rəhbəri Nicat Kərimov öz nitqində Azərbaycan Respublikasının Prezidenti yanında Gənclər Fonduna gənclərə göstərdiyi dəstək üçün minnətdarlığını bildirib, layihənin əsas məqsəd və hədəflərindən söz açıb. Layihə təlimçisi Mahmud Mahmudovun təqdimatında isə müvafiq mövzuda təlimlər keçirilib. Sonda tədbir iştirakçılarına sertifikatlar təqdim olunub.