[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2012/11/missiya_student_121112_3.jpg” ]
Hilton otelində “Azad Azərbaycan” televiziya kanalında efirə gedəcək “Missiya – tələbə” layihəsinin təqdimat mərasiminə həsr olunmuş mətbuat konfransı keçirilib. Layihədə Azərbaycanın müxtəlif məktəblərindən seçilmiş 40 nəfər gənc iştirak edəcək. Müsabiqə əsasında seçilmiş gənclər Ukraynada olduqları müddətdə ölkənin dörd şəhərinin (Kiyev, Xarkov, Odessa və Poltova) ali təhsil ocaqlarına gedəcək və təhsil prosesi ilə tanış olacaqlar. İntellektual şouda qalib gəlmiş məktəbli Ukraynanın Şevçenko adına Dövlət Universiteti, Dövlət Aviasiya Universiteti, Karazin adına Xarkov Universiteti, Odessa Dövlət Politexnik Universiteti və ya Kondratük adına Poltava texniki universitetində təhsil almaq imkanı əldə edəcək.
Mətbuat konfransında iştirak edən Azərbaycan Gənclər Fondunun aparat rəhbəri Faiq Qürbətov, Ukraynanın Azərbaycandakı səfirliyinin nümayəndəsi və Ukrayna ali təhsil ocaqlarının nümayəndələri layihənin verəcəyi töhfə və hazırda Ukraynada təhsil almağın imkanları haqqında danışıblar.
Tədbirin sonunda layihə ərzində azərbaycanlı məktəblilərin Ukraynaya səfərləri haqqında çəkilmiş qısa video-çarx nümayiş olunub.
