[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2012/11/20121104_160536.jpg” ]
Azərbaycan Tələbələr Birliyi (ATB) Azərbaycan Gənclər Fondunun maliyyə dəstəyi ilə həyata keçirdiyi “Tələbələr liderlik yolunda” layihəsi çərçivəsində növbəti regional təlimi təşkil etmişdir. Xatırladaq ki, qeyd edilən layihənin əsas məqsədi günümüzün tələbələri arasında gələcəyin liderlərinin yetişdirilməsinə kömək etməkdir. Bu məqsədlə layihə çərçivəsində Mingəçevir, Ağcəbədi, Lənkəran şəhərlərində yerləşən təhsil müəssisələrində tələbələr üçün müxtəlif maarifləndirici tədbirlərin keçirilməsi planlaşdırılmışdır.
Layihə çərçivəsində növbəti tədbir Ağcəbədi rayonunda təşkil edilmişdir. ATB-nin sədri Elvin Aslanov tərəfindən keçirilən təlimdə ilk öncə layihə və Birliyin fəaliyyəti barədə ətraflı məlumat verilmişdir. Daha sonra liderlik, şəxsi motivasiya, idarəetmə və s. ilə bağlı məlumat verən Elvin Aslanov tələbələrin suallarını da cavablandırmışdır. Təlim qarşılıqlı müzakirələr əsasında davam etmişdir.
Qeyd edək ki, keçirilən tədbir “Tələbələr liderlik yolunda” layihəsi çərçivəsində sonuncu tədbir idi. Layihə ərzində Mingəçevir, Lənkəran, Ağcəbədi olmaqla 3 regionda tələbələr üçün liderlik, idarəetmə, natiqlik qabiliyyəti ilə bağlı müxtəlif təlim və seminarlar təşkil edilmiş, təşkil edilən seminarlarda isə 300-ə yaxın tələbə iştirak etmişdir.
Bundan sonra da müxtəlif dövlət, beynəlxalq təşkilatlar və özəl qurumlarla birgə əməkdaşlıq çərçivəsində tələbələrin şəxsi inkişafını nəzərdə tutan təlimlərin keçirilməsi Azərbaycan Tələbələr Birliyinin əsas prioritetlərindəndir.
