Qeyd edilməlidir ki, “İdeyanı Reallaşdır – gənclərin fərdi layihələri üzrə qrant müsabiqəsi” üçün layihə qəbulu davam etməkdədir.

Fondun Müşahidə Şurasının qərarına əsasən, bu vaxtadək daxil olmuş və icrası onlayn formatda mümkün olan layihə təklifləri siyahısından 15 layihənin dəstəklənməsi məqsədəuyğun hesab edilmişdir.Müsabiqənin qaliblərinin siyahısı ilə aşağıdakı keçid vasitəsi ilə tanış ola bilərsiniz:

Qeyd 1: Qrantın alınması məqsədilə bu gündən etibarən müsabiqədə qalib olmuş hər bir şəxs Fondun rəsmi internet saytına öz kod və şifrəsi vasitəsi ilə daxil olaraq, müqavilənin elektron şəkildə razılaşdırılmasını həyata keçirə bilər. Azərbaycan Respublikasının Gənclər Fondunun qrant müsabiqələri çərçivəsində müraciətçi ilə Fond arasında qrant müqaviləsinin bağlanması üçün elektron sistemə daxil olaraq “Xidmətlər” bölməsindən istifadə edərək “Müqavilə” pəncərəsinə keçid edilməlidir.

Qeyd 2: Qrantın əldə edilməsi məqsədilə qaliblərlə müqavilələrin imzalanması üçün sənədlərin göndərilməsi üçün son tarix 25 iyul 2020-ci il olaraq müəyyən edilmişdir.