Azərbaycan Respublikasının Gənclər Fondu tərəfindən gənclər təşkilatlarının layihələrinin maliyyələşdirilməsi üzrə 10 fevral – 10 mart 2020-ci il tarixlərində keçirilən növbəti müsabiqənin nəticələri elan olundu.
Gənclər Fondunun Müşahidə Şurasının tapşırığına əsasən, layihələr mövcud vəziyyətə (koronavirus pandemiyası) uyğunlaşdırılmalı və onlayn formatda həyata keçirilməlidir. Bu tələblərə cavab verən 32 layihə təklifi müsabiqəyə təqdim edilmişdir. Qiymətləndimədən sonra 18 yerli layihə və 1 beynəlxalq layihənin dəstəklənməsi məqsədəuyğun hesab edilmişdir.
Müsabiqə qaliblərinin siyahısı ilə aşağıdakı keçid vasitəsi ilə tanış olmaq mümkündür:
Qeyd 1: Nəzərinizə çatdırırıq ki, qrantın alınması məqsədilə bu gündən etibarən müsabiqədə qalib olmuş hər bir gənclər təşkilatı Gənclər Fondunun rəsmi internet saytına öz kod və şifrəsi vasitəsi ilə daxil olaraq müqavilənin elektron şəkildə razılaşdırılmasını həyata keçirə bilərlər. Azərbaycan Respublikasının Gənclər Fondunun qrant müsabiqələri çərçivəsində gənclər təşkilatı ilə Gənclər Fondu arasında qrant müqaviləsinin bağlanması üçün elektron sistemə daxil olaraq Xidmətlər bölməsindən istifadə edərək Müqavilə pəncərəsinə keçid edilməlidir.
Qeyd 2: Qrantın alınması məqsədilə müqavilələrin imzalanması üçün sənədlərin son göndərilmə tarixi 10 iyul 2020-ci il müəyyən edilmişdir.
