[:az]“Qadın və Gənc Ailələrin Sosial İnkişafı” İctimai Birliyi və Azərbaycan Respublikasının Prezidenti yanında Gənclər Fondunun maliyyə dəstəyi ilə həyata keçirdiyi “Erkən nigahlar məişət zorakılığının başlıca amillərindəndir!” layihəsi davam edir.
Layihənin əsas məqsədi erkən nigahların qarşısını almaqla məişət zorakılığına yox demək və onun törətdiyi fəsadlar barədə maarifləndirmə işləri aparmaq, yetkinlik yaşına çatmayan gənclərin qeyri-rəsmi nigaha girməsinin qarşısını almaqdır.
Layihənin vəzifələri:
- Erkən nigah pozulduqdan sonra həyatın çətinlikləri ilə üz-üzə qalmış gənclərin həyatını nümunə gətirərək, tibbi cəhətdən erkən nigaha hər orqanizmin dayanıqlı ola bilməyəcəyini izah etməklə, qızların nigah hərəkətlərini normal dünyanın qəbul etdiyi 18 yaş həddinin mütləq olduğunu təbliğ edərək erkən nigahların sayının azalmasına nail olmaq,
- Erkən nigaha girərək zorakılığa məruz qalmış gənclər üçün psixo-sosial reabilitasiya yardımı göstərmək
- Xəzər rayonunda erkən nigahın acı nəticələri, məişət zorakılığı haqqında məktəblərdə təlimlər keçirmək,
- Erkən nigahın əksər hallarda qeyri-normal təsiri, ailə münasibətləri və doğulan uşaqların bəslənməsində qarşıya çıxa biləcək problemlərin baş verəcəyini əks etdirən maarifləndirici materiallar hazırlamaqdır.
Layihənin növbəti təlimində Xəzər rayon Gənclər və İdman İdarəsinin rəis müavini Ağahüseyn Hüseynov ekspert qismində iştirak etmişdir və o, rayonda bu mövzuda müxtəlif maarifləndirici tədbirlərin keçirildiyini və bu cür aktual layihələrə həmişə dəstək olmağa hazır olduqlarını nəzərə çatdırdı. Çıxış edənlər erkən nighahların fəsadları haqqında geniş müzakirələr apardılar.
Layihə 3 ay müddətində Bakı şəhəri Xəzər rayonunda həyata keçirilir və layihə çərçivəsində Xəzər rayonunda yerləşən internat məktəblərində, orta məktəblərdə təhsil alan gənclərin ehtiyacları müəyyən ediləcək və onlarla keçiriləcək təlimlərə hazırlıq məqsədi ilə layihəninin icra olunacağı müəssisələrdə gənclər arasında sorğu keçiriləcəkdir.
Qeyd edək ki, Azərbaycan Respublikasının Prezidenti yanında Gənclər Fondu tərəfindən dəstəklənən layihə bu ilin dekabr ayında başa çatacaq.
[:]
