[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2012/10/IMG_8643.jpg” ]

Cari ilin 30 sentyabr-5 oktyabr tarixlərində Amerika Birləşmiş Ştatlarının Vaşinqton şəhərində 2012 SIFE Dünya Kubokunun final mərhələsinə yarışlar keçirilmişdir. Ölkəmizi yarışlarda Azərbaycan Tibb Universitetinin SIFE Komandası təmsil etmişdir.

SIFE (Tələbələr Azad Sahibkarlıq Fəaliyyətində) keçən əsrin 70-ci illərində ABŞ-da yaranmış və bu günə qədər tələbə gənclərin sahibkarlıq fəaliyyətləri ilə bağlı layihələrin həyata keçirilməsində və o layihələrin dünya miqyasında tanınmasına dəstək verməkdədir. Respublikamız müstəqillik əldə etdikdən sonra müxtəlif beynəlxalq təşkilatların fəaliyyətində iştirak etməyə başlamışdır. Bunlardan biri də SIFE təşkilatıdır. Ölkəmiz artıq 7-ci ildir ki, bu təşkilatın fəaliyyətində iştirak edir və hər il dünyanın müxtəlif ölkələrində keçirilən Dünya Kuboklarının final mərhələsinə qatılır.

Bu il ise ölkəmiz komanda iştirakı ilə yanaşı, SIFE Azərbaycanın İdarə Heyətinin üzvü, Azərbaycan Gənclər Fondunun Aparat rəhbəri Faiq Qürbətov Beynəlxalq Münsif qismində də iştirak edərək keçirilən oyunların ilkin və yarımfinal mərhələlərinin Münsiflər Heyətinin üzvü olmuşdur.

2 oktyabr tarixində Azərbaycan Nümayəndə Heyətinin üzvləri ABŞ-ın Dövlət Departamentində görüşdə olmuşlar. Görüşlər zamanı ölkəmiz haqqında geniş məlumatlar verilmiş, Gənclər siyasəti sahəsində əməkdaşlıq məsələləri müzakirə olunmuşdur.

Bu il keçirilən yarışlarda dünyanın 40-a yaxın ölkəsinin təmsilçiləri iştirak etmişdir. Yarışlarda ABŞ 1-ci yer, Misir 2-ci yer, Zimbabve isə 3-cü yerə layiq görülmüşlər.

Gələn il isə Dünya Kubokunun Çinin Şanxay şəhərində keçirilməsi qərara alınmışdır.

Sizdən informasiya dəstəyi göstərməyinizi xahiş edirik.

[divider_line opacity=”10″ /] [postgallery_grid content=”image” columns=”4″ lightbox=”yes” attached_id=”3219″ id=”3219″ imageeffect=”reflection” imgheight=”154″ imgwidth=”240″ width=”980″ /]