[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2012/10/MG_9796.jpg” ]
“Yaradıcı Gənclərə Dəstək” İctimai Birliyi Azərbaycan Respublikasının Gənclər və İdman Nazirliyi yanında Gənclər Fondunun maliyyə dəstəyi ilə həyata keçirdiyi “Məcburi köçkün gənclər üçün məşğulluq imkanları” layihəsinin icrasını uğurla davam etdirməkdədir. Layihənin I mərhələsinə hazırlıq işləri aparılmış, regionlardan (Ağcəbədi, Ağdam və Bərdə) təlimlərdə iştirak üçün ərizə göndərən gənclərlə əlaqə saxlanılmış, təlimlərdə istifadə etmək üçün dəftərxana materialları alınmış, çap məhsulları, təlim modulları və sənədləri cəmlənmişdir.
Oktyabrın 11-12-də Bərdə rayonunda Laçın peşə liseyində məcburi köçkün gənclər üçün növbəti təlim keçirilmişdir. Layihə fəaliyyətinin II mərhələsinə uyğun regional təlimlərdə iştirak edən məcburi köçkün gənc fəallar arasında təşəbbüs irəli sürülmüş, layihənin davamlılığı və gələcək fəaliyyəti üçün könüllü təlimçilər şəbəkəsi qurulmuş və təlimçinin hazırladığı əhatəli və zəngin təlim materialları və modulları əsasında təlim bazası formalaşdırılmış, çap şəklində yerli könüllü təlimçilərə paylanmışdır.
“Yaradıcı Gənclərə Dəstək” İctimai Birliyi tərəfindən məcburi köçkün gənclər arasında mövzu ilə bağlı monitorinq aparılmış və nəticələr təhlil olunmuşdur.
