[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2012/10/DSCN0907.jpg” ]

“Gənc Sahibkarlar Klubu” İctimai Birliyi  “Öz biznesini qurmaq istəyən gənclər üçün təkmilləşdirmə proqramı” adlı layihə çərçivəsində təlimlərə start verib. İlk təlim 12-15 oktyabr tarixlərində Zaqatala rayonu gəncləri ilə, növbəti təlim isə 16 oktyabr tarixindən etibarən Qəbələ rayonu gəncləri ilə keçirilmişdir.

Tədbiri giriş sözü ilə açan təşkilat sədri Salman Umudov təşkilat haqqında ətraflı məlumat vermiş və layihə çərçivəsində görülmüş işlərlə bağlı fikirlərini təlim iştirakçıları ilə bölüşmüşdür. Sonra layihənin eksperti Rəşad Bayramov çıxış edərək təlim müddətində öyrəniləcək mövzularla bağlı məlumat verib. Təlim kursu müddətində iştirakçılara sahibkarlıq, biznes fəaliyyəti, öz işini qurmaq, lazımi kadrları işə cəlb etmək, işçi-sahibkar münasibətləri, biznes planın hazırlanması, kreditlərin alınması, düzgün sərmayə qoyuluşu, maliyyə hesabatları, vergi siyasəti və s. bu kimi bilgilər verilib. Həmçinin, iştirakçılar sahibkarlıq fəaliyyəti üçün zəruri olan qanunlar, qanunvericilik aktları, qəbul olunmuş dövlət proqramları və s. haqqında müvafiq bilgilər almışlar. Bundan savayı təşkilat tərəfindən çap olunmuş yaddaş kitabçası və qanunlar toplusu da iştirakçılara paylanılıb.

Layihə çərçivəsində təlimlər davam etməkdədir. Növbəti təlim Mingəçevir şəhərində keçiriləcəkdir.

[divider_line opacity=”10″ /] [postgallery_grid content=”image” columns=”4″ lightbox=”yes” attached_id=”3528″ id=”3528″ imageeffect=”reflection” imgheight=”154″ imgwidth=”240″ width=”980″ /]