[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2012/06/logo-gencler-fondu.jpg” ]
19-20 oktyabr tarixlərində Avstriya-Azərbaycan Ticarət Palatasının, Avstriya Biznes Agentliyinin, BEHF, Siemens və Kempinski Hotel Badamdar şirkətlərinin birgə əməkdaşlığı ilə Bakı şəhərində “Qonaqpərvərlik üzrə Konfrans” keçirilmişdir.
Konfransın əsas mövzuları Azərbaycanda turizmin inkişafı, turizmin təşviqində idman və mədəniyyət tədbirlərinin rolu, qonaqpərvərlikdə insan resursları, təhsil və məşğələ, qonaqpərvərliyin inkişafında memarlığın rolu və Azərbaycanda turizm sənayesinin inkişafında cari layihələr kimi sahələri özündə əks etdirib.
Konfransın 2-ci panelində Azərbaycan Gənclər Fondunun Aparat rəhbəri Faiq Qürbətov çıxış etmişdir. Panelin mövzusu “Qonaqpərvərlikdə insan resurlarının rolu: təhsil və məşğələ” olmuşdur. Öncə Gənclər Fondu haqqında məlumat verən F.Qürbətov, daha sonra regionlarda məşğulluq problemlərinin həlli yollarında turizmin rolundan danışmışdır. Gələcəkdə yaradıla biləcək birgə əməkdaşlığa, beynəlxalq layihələr üçün kadr hazırlığına Gənclər Fondunun dəstək verə biləcəyini qeyd edən F.Qürbətov, konfrans iştirakçılarının suallarını cavablandırmışdır.
