[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2012/10/xacmaz-5.jpg” ]
Oktyabrın 21-də Azərbaycan Gənclər Fondu tərəfindən dəstəklənən “Ədəbiyyat Şəbəkəsi” layihəsi Xaçmazda təqdimat keçirmişdir. Layihənin rəhbəri Nigar Köçərli, “Qanun” Nəşriyyatının direktoru Şahbaz Xuduoğlu, gənc yazar Sahilə və layihənin fəal iştirakçıları Xanım Əliyeva, Məlahət Ədilova, İbrahim Əhmədov və digərləri əvvəl Regional TV-də canlı efirdə yayımlanan “Səhər” verilişində layihə ilə bağlı ətraflı məlumat vermişlər. Sonra isə telekanalın “Yeni Səhifə” adlı verilişinin qonaqları olaraq layihəni müzakirə edərək müasir Azərbaycan ədəbiyyatının problemlərindən danışıblar. İştirakçılar və onlara qoşulan kitabsevərlər Xaçmaz parkında kitabla bağlı flashmob keçiriblər.
Xaçmazda kitaba, mütaliəyə marağı olan gənclərdən ibarət “Book Club” yaradılıb. Kitab oxuyanlar klubunda hər həftə müxtəlif bədii əsərlər müzakirə olunacaq. Müzakirəyə çıxarılacaq mətnlər 10 gün əvvəl “Əli və Nino” kitab dükanları şəbəkəsi və “Qanun” Nəşriyyatı tərəfindən Xaçmaza göndəriləcək. Klub üzvləri əsəri oxuduqdan sonra müzakirə günü müəyyən olunacaq. Əksər müzakirələrə müəllif də qatılacaq ki, bu da üzvlər üçün irad və təkliflərini birbaşa müəllifə ünvanlamağa şərait yaradacaq. İlk müzakirə noyabrın 4-ü Xaçmaz şəhərində keçiriləcək. Hədəf gənc yazar Sahilənin “Yuxarı və Aşağı ətraflar” romanıdır. Müzakirələrdə müəllif özü də iştirak edəcək.
Qeyd edək ki, “Book club”da gedən müzakirələr RTV-nin “Yeni səhifə” ədəbi verilişinin “Kitab klubu” rubrikasında efirə gedəcək. Kluba üzv olmaq, müzakirələrə qatılmaq istəyən gənclər aşağıda göstərilən elektron ünvana yaza, eyni zamanda telefon nömrəsi ilə əlaqə saxlaya bilərlər. Region gənclərini müzakirəyə dəvət edirik. Müzakirələrdə iştirak üçün RTV-nin “Yeni səhifə” ədəbi verilişinin “Facebook” səhfəsinə də müraciət edə bilərsiniz (http://www.facebook.com/groups/bookclub.alinino/?fref=ts). Əlaqə:
Xaçmaz:
Tel: 070 258 78 88/050 291 78 98
Bakı:
Tel: 050 7358019
[divider_line opacity=”10″ /] [postgallery_grid content=”image” columns=”4″ lightbox=”yes” attached_id=”3638″ id=”3638″ imageeffect=”reflection” imgheight=”154″ imgwidth=”240″ width=”980″ /]
